Archive of ‘Sykurlaust’ category

Chiagrautur með ávöxtum

IMG_4964Innihald: / 1/2 dl chiafræ / 1/4 dl sólblómafræ / 1/4 dl sesamfræ / 1/4 dl graskersfræ / 1/4 dl hampfræ / 1 tsk kanill / smá salt / 3 1/2 dl vatn / ávextir að eigin vali.

  1. Setjið allt í skál, hrærið saman og látið standa inni í ísskáp yfir nótt.
  2. Setið svo ávextina út á morguninn eftir og fáið ykkur morgunmat.

Það segir sig sjálft að ef þú ferð beint úr Kelloggs pakkanum yfir í þennan morgunmat mun þér ekki finnast hann góður. Það þarf fyrst að setja bragðlaukana í smá sykurafvötnun. En ég lofa að mallinn þinn mun elska hann. Ef þið viljið hafa grautinn sætari má setja döðlur í litlum bitum út í og láta standa með yfir nótt. Ég sleppti því hér en notaði smá kardimommukrydd og smá vanillu extract því mér finnst vanillubragð svo gott.

Hafra- og chiagrautur

IMG_5221Innihald grautsins: / 1 bolli möndlu- eða hrísmjólk / 2/3 bollar tröllahafrar (ekki verra ef þeir eru glútenlausir) /2 msk chiafræ / 1 tsk vanilluduft / 1 tsk kanill / 1/2 tsk sítrónusafi / smá salt.

  1. Þessu er öllu hrært saman og látið standa yfir nótt í ísskáp.

Innihald ávaxtablöndunnar:1 epli / 2 dl frosin hindber / 1-2 cm rifinn engifer.

  1. Allt sett í matvinnsluvél og léttsaxað, ekki maukað.
Finnið glerkrukku og setjið fyrst smá graut í botninn, þar næst hluta af epla/berjablöndunni og svo þunnar bananasneiðar ofaná ef þið viðjið. Ég sleppti þeim hér en þannig er þessi grautur náttúrulega algjört æði. Svo geriði eins aftur og fyllið krukkuna. Algjör snilld að taka með sér í vinnuna og ég í flugvélina.
Þessi uppskrift er ca. ein stór eða tvær litlar máltíðir.

Þennan graut bjó Solla til í Heilsugenginu og hann er bara geggjaður.

Ebbugrautur

IMG_4422Innihald: / 1 dl quinoa / 2 dl vatn / 1/2 dl chiafræ / ferskir mangóbitar eða annar ávöxtur / smá sítrónuólífuolía

  1. Munið að leggið quinoa í bleyti yfir nótt.
  2. Morguninn eftir skolið quinoa með köldu vatni, setjið í pott ásamt 2 dl af vatni og sjóðið í 10-15 mín.
  3. Á meðan setjið þið chiafræ í bleyti og hrærið af og til í á meðan fræin eru að drekka í sig vökvann.
  4. Þegar grauturinn er tilbúinn fer quinoa í skál, blandið chiafræjunum saman við og skerið mangó út í.
  5. Hellið svo aðalatriðinu út, sítrónuólífuolíunni. Hún gerir svo mikið bragð og þá fáum við einnig aukaskammt af omega-9. Tilbúinn dásamlegur morgunmatur!

Mangó er með mjög hátt frúktósamagn þannig að ef þú ert að minnka við þig sykur og ávaxtasykur gæti verið sniðugt að nota kiwi í staðinn. Mangó er samt basískur ávöxtur en ekki súr fyrir líkamann. Kíkið á Dr. Mercola, þar finnið þið lista yfir frúktósamagn í nokkrum ávöxtum. Þið verðið að skrolla aðeins niður á síðunni þegar þið eruð búin að klikka á linkinn hér við hliðina til að finna þetta (1).

Þessi morgunmatur er svo mikil tær snilld og mér líður svo ótrúlega vel þegar ég byrja daginn á honum. Reyndar borða ég morgunmat frekar seint því mér líður yfirleitt best ef ég drekk bara í byrjun dags. Þessi grautur er fullur af næringarefnum og svo er höfundur hans bara svo dásamlega sjarmerandi kona, Ebba Guðný. Og það besta er að Edda mín 12 ára er farin að biðja um hann reglulega á morgnana sem er frábært.

http://www.mbl.is/smartland/heilsa/2012/08/21/chiagrautur_ebbu_gudnyjar/

Kúrbítspizza

IMG_3893Botninn: / 2 bollar kúrbítur / 3/4 bollar malaðar möndlur / 1/4 bolli rifinn parmesan / 1 msk chiafræ (möluð í kaffikvörn) / 1 tsk oregano / 1/2 tsk hvítlauksduft / 1/4 tsk salt

Heimagerð pizzusósa: / 2 dl maukaðir tómatar / 1 dl tómatpúrra / 1-2 hvítlauksrif / 1-2 tsk oregano

Ofaná: tómatsósa + ostur + pestó + rúkóla + heimagerð hvítlauksolía

  1. Kúrbíturinn er rifinn fínt á rifjárni og síðan er vökvinn kreistur úr honum gegnum spírupoka (fæst í Ljósinu Langholtsvegi). Mikilvægt að kreista vökvann vel úr.
  2. Öllu er blandað saman í skál og síðan sett á bökunarpappír á ofnplötu.
  3. Bakið við 180°C í 25 mínútur.
  4. Snúið svo við og bakið í 5-10 mínútur.
  5. Smyrjið svo sósunni á, stráið osti yfir og bakið aftur þar til osturinn hefur bráðnað.
  6. Takið pítsuna út úr ofninum, smyrjið  grænu pestói á pítsuna, setjið rúkóla og hvítlauksolíu ofan á. Njótið!

Þessi uppskrift er frá Sollu http://www.lifrænt.is

IMG_3889-2

 

Heimagert majónes

 

IMG_4609Innihald: /eggjarauður / 1 egg / 1 msk ferskur sítrónusafi / 
1 tsk Djion sinnep 
/ 1/2 tsk salt
 / 1/2 tsk karrí / smá hvítur pipar / 
1 dl kaldpressuð lífræn ólífuolía

  1. Setjið eggjarauður, egg, sítrónusafa, sinnep og krydd í blandara og blandið saman þangað til það verður kremkennt.
  2. Olíunni er hellt út í mjög rólega meðan blandarinn gengur rólega. Smakkið til.

Notið til að búa til avocadomajónes sem er frábærlega góð þyngri sósa með eins og hamborgara og þannig mat.

 

Avocado- og wasabimajónes

IMG_4312Avocadomajones: / 4 msk heimagert majónes eða tilbúið frá Himneskt / 1 stk avocado / 1 hvítlauksrif / 1 tsk Dijon sinnep / 1 tsk grænt wasabimauk / smá lime.

Aðferð: pressið hvítlaukinn, maukið avocadoið og blandið því og öllu hinu við heimagerða majónesið.

Stundum vantar mann einhverja sósu sem er rík og þung eins og t.d. með hamborgara en vill ekki tilbúna Gunnars :O) Þessi sósa er snilld og ég sá hana í bókinni hennar Berglindar Sigmarsdóttur. Það tekur ekki langan tíma að gera hana sérstaklega ef þú kaupir majónesið en þá mundi ég kaupa frá t.d. Himneskt.

Hveitigrasskot

IMG_4008Hveitigras er mjög orkugefandi og inniheldur allt að 70% blaðgrænu. Safinn sem pressaður er úr lífrænt ræktuðu hveitigrasi er fullur af næringarefnum, vítamínum, steinefnum, ensímum og  blaðgrænu (chlorophyll).

Blaðgrænan svipar mjög til uppbyggingar hemoglobíns í blóði, er auðmeltanleg og gefur orku því hún frásogast hratt út í blóðið. Þá losar hveitigrasið okkur við uppsöfnuð eiturefni. Það er best að fá sér hveitigras á morgnana, sérstaklega á fastandi maga. Til að gera hveitigrasskot heima þarftu að eiga safapressu með snigli.

Ég tek stundum svona tarnir í hveitigrasi og gleymi því svo lengi inn á milli. En ég finn það gerir mér gott þegar ég nenni þessu.

http://thechalkboardmag.com/50-reasons-to-drink-wheatgrass-everyday

Möndlumjólk

IMG_4078Innihald: / 2 dl möndlur / 8 dl vatn / smá salt / ½  tsk kanill / ½ tsk ekta vanilluduft  / það má sæta með t.d. 2 döðlum (mjúkum), smá agave, steviu… en þá er þessi uppskrift ekki lengur sykurlaus.

  1. Möndlurnar þurfa að liggja í bleyti í minnst 5-6 tíma eða yfir nótt.
  2. Vatninu er hellt af og allt sett í blandara (8 dl vatn). Möndluhratið er sigtað frá gegnum sigtipoka (fæst í Ljósinu Langholtsvegi). Hellið í flösku, geymist í kæli í 3 daga.

Ef þú vilt bæta kalki í möndlumjólkina má setja tahini í blandarann eða leggja sesamfræ í bleyti og blanda með möndlunum en þá fær mjólkin allt annað bragð. Sesamfræ eru beisk en mjöööög kalkrík. Ekki nota hratið af sesamfræjunum og munið að skola alltaf fræ vel eftir að þau hafa legið í bleyti.

Ég kaupi yfirleitt tilbúna möndlumjólk en auðvitað væri best að gera alltaf sína eigin. Kókosvatn er líka snilld sem grunnur í boost og eftir æfingar því það er svo ríkt af söltum og steinefnum.

 

 

 

 

1 3 4 5