Hrökkbrauð með laukbragði

IMG_5068Innihald: 1 dl maísmjöl / 1 dl bókhveiti (eða möndlumjöl) / 1 dl sesamfræ / 1/2 dl mulin hörfræ (í kaffikvörn) / 1/2 dl sólblómafræ / 1/2 dl hampfræ / 1/4 dl chiafræ  / 2 1/4 msk kókosolía / 2 1/2 dl soðið vatn / 1-2 tsk laukduft / birkifræ / smá salt í deigið og til að strá yfir

  1. Hrærið saman þurrefnunum (ég nota frekar mikið laukduft, gefur svo gott bragð).
  2. Sjóðið vatnið, setjið kókosolíuna út í og hrærið saman við deigið.
  3. Setjið bökunarpappír á plötu, síðan deigið og annan bökunarpappír ofaná og dreifið um plötuna með höndunum. Þannig klístrast ekki hendurnar og mun auðveldara að eiga við.
  4. Stráið smá birkifræjum og salti yfir og setjið aftur bökunarpappírinn yfir og þrýstið smá.
  5. Skerið í kex með pizzaskera.
  6. Bakið við 175gr í 25-35 mín.

Ég elska hrökkbrauð og gæti borðað það í öll mál. Þetta hrökkbrauð er svooooo gott og svakalega einfalt að gera. Áður en ég komst upp á lagið með að búa það til sjálf var ég áskrifandi á Finn Crisp, þessu þunna brúna. Núna geri ég mér mitt eigið hrökkbrauð sem er svo mikliu, miklu betra og hollara. Svo ótrúlega gott með t.d. hummus, rauðrófumauki eða bara smjöri og osti þess vegna. Ég hef einnig bætt við rifnum parmesan osti ofaná og sett svo inn í ofn og það var algjör snilld. Ég skora á þig að prófa, þú verður ekki fyrir vonbrigðum.

IMG_5896-4

Hugmyndin að þessu hrökkbrauði kemur frá yndislegu síðunni hennar Hönnu Göransson http://hurbrasomhelst.se

8 Comments on Hrökkbrauð með laukbragði

  1. Ragga
    19. May, 2014 at 8:58 pm (4 years ago)

    HÆ hæ Valdís
    Notar þú venjulega kókosolíu eða bragð/lyktarlausa kókosolíu?
    Kkv. Ragga

    Reply
  2. Ljómandi
    19. May, 2014 at 9:36 pm (4 years ago)

    Sæl Ragga, ég nota bara venjulega sem fæst í flestum stórmörkuðum. T.d. frá Himneskt. Og það er misjafnt hvort ég kaupi lyktarlausa eða ekki.

    Reply
  3. Björg
    3. September, 2014 at 12:16 pm (3 years ago)

    Æðislegt hrökkbrauð!! Og sammála, bara nóg af lauknum, namm! Takk fyrir mig:-)

    Reply
    • Ljómandi
      3. September, 2014 at 11:05 pm (3 years ago)

      Frábært að heyra. Ég er alveg ómöguleg ef ég á ekki svona hrökkbrauð. Svo gott.

      Reply
  4. Guðrún
    7. September, 2014 at 7:19 pm (3 years ago)

    Hvað væri gott að nota í staðin fyrir maísmjöl?

    Reply
    • Ljómandi
      8. September, 2014 at 5:12 pm (3 years ago)

      Ég notaði teffmjöl um daginn. Kom mjög vel út. Kannski rísmjöl? Passaðu bara upp á vökvamagnið, sum glútenlaus mjöl taka mikinn vökva í sig.

      Reply
  5. Rebekka
    20. September, 2014 at 7:04 pm (3 years ago)

    Getur þú notað hvítlauksduft í stað laukdufts?

    Reply
    • Ljómandi
      24. September, 2014 at 1:15 pm (3 years ago)

      Já algjörlega eða bara hvaða krydd sem þér finnst gott.

      Reply

Leave a Reply